قصيدة كتبت هديه تعبر عن وداع البنت لوالدها (لعائلة الشهيد هاني علوية )

هذه القصيدة كتبت هديه تعبر عن وداع البنت لوالدها ..اهداء للشهيد ابا علي و لعائلته و بالاخص ابنته فاطمه ان شاء الله تنال اعجابكم ..


بيي يــا بيي خبر استشهادك زاد العزة و النصر فيي
وعينا على ايديك و انت على درب حركة المحرومين الابيي
براية امل منزيّن نعشك قبل ما تشيلك الايادي اللي متلك عالنهج وفيّي
بيي لا تفكر فراقك سهل لا والله يا بو علي غيبتك صعبة عليّ
بصباح كل عيد كنت العاطفة منك و الغمرة تكون بالصباحيي
بس هالعيد زيارة قبرك يا بيي الي راح تكون العيديي
و بنتك اللي كانت متل الوردة النديي
اوراقها ذبلت و نهاري و ليلي الدمعة بعينيي
و على لساني كلمة لوين رحت عني يا بيي؟


يا سامعين بترجاكم لا تلوموني
هيدا بيي اللي رباني و عودنّي على لمستو الحنوني
يا ريت العمر قبلك اخدني و بدالك تحت التراب انا يدفنوني
ياريت جنب قبرك اسهر طول الليل يا غالي لو يخلوني
لكنت امسح التراب عن قبرك و ارويك لمطلع الفجر بدمع عيوني


بعدني صغيرة و الحياة صعبي و بعدك مين يحمل الهم عني
كان حلمي يوم صير عروس شوفك حدي انت و اخواتي و امي
و بوس ايديك الطاهرة و اتباهى فيك و قول للدنيا كلها هيدا بيي اللي عُمر حضني
لكن الشهادة يا بيي سبقتني و اخدتك مني و الزمن فيك فجعني
والله حلو كلمة البيي يا ناس كلها عطف و حنية بس الدهر غدرني
و خلاني شوفك تحت التراب يا نور عيني
لكن ما بايدي الا اطلبلك الرحمة و الك مع السلامة و ودعك بدمعي
و قلك مبروك يا حنون بأفواج أمل الشهادة و ان شاء الله روحك بتزين الجني